Meksiko: tel paipalain mein hue dhamaake se ab tak 73 logon kee maut, 74 ghaayal- (news)

Meksiko: tel paipalain mein hue dhamaake se ab tak 73 logon kee maut, 74 ghaayal-

Maixicho aixplosion ek tel paipalain mein hue dhamaake mein kam se kam 73 logon kee maut ho gaee aur 74 log ghaayal ho gae. maana ja raha hai ki hidaalago raajy ke talaahulilapaan shahar mein sandigdh tel choron ne paipalain ko tod diya tha, jisake baad shukravaar raat yah dhamaaka hua.

meksiko mein ek tel paipalain mein hue dhamaake mein kam se kam 73 logon kee maut ho gaee aur 74 log ghaayal ho gae. maana ja raha hai ki hidaalago raajy ke talaahulilapaan shahar mein sandigdh tel choron ne paipalain ko tod diya tha, jisake baad shukravaar raat yah dhamaaka hua.

paipalain mein us samay aag lag gaee, jab kaee log vahaan leek ho rahe tel ko ikattha kar rahe the. is dauraan sashastr bal bhee vahaan maujood the. hidaalago ke gavarnar umar phayaad ne kaha ki dhamaake ke baad aag lag gaee. meksiko ke raashtrapati endres mainuel lopej obredar ne is haadase ke baad eendhan choree ko rokane ke lie upaay karane ka sankalp liya hai.
unhonne 27 disambar ko ek kaarravaee shuroo kee thee aur paipalain ko asthaayee taur par band karane ke aadesh die the, taaki tel choree ko rok kar bhaaree karj mein doobee raajy kee tel kampanee petroliyos meksikainos (pemeks) ko ho rahe arabon daalar ke nukasaan se bachaaya ja sake.
saarvajanik suraksha mantree alaphonso duraijo ne kaha ki vahaan bahut jyaada log the aur samasya se bachane ke lie sena va sainy karmiyon ko vahaan se hata liya gaya tha. unhonne kaha ki jab ve (surakshaakarmee) vahaan se hat rahe the, tabhee dhamaaka ho gaya.
meksiko sarakaar ke mutaabik tel choree ke kaaran beete saal meksiko ko 210 arab rupaye ka nukasaan hua tha. disambar mein meksiko ke raashtrapati banane vaale endres mainuel lopez obraador ne tel choree ke khilaaph ek bada abhiyaan shuroo kiya hai. yahaan kee sarakaaree tel kampanee pemeks ne apane bayaan mein kaha ki ye aag paipalain mein avaidh dhang se chhed kie jaane kee vajah se lagee hai. paipalainon kee suraksha ke lie hazaaron mareen surakshaakarmiyon ko tainaat kiya gaya.