Jhooth ke aasamaan mein raphaal kee keematon ka udata sach riport (news)

Jhooth ke aasamaan mein raphaal kee keematon ka udata sach riport

sarakaar jis rafaal vimaan ko 9 pratishat sasta paas par khareedane kee baat karatee hai darasal vah jhaansa de rahee hai. da hindoo mein chhapee en raam kee riport se to yahee lagata hai. en raam kahate hain ki prati vimaan 41.42 pratishat adhik keemat dekar khareedne ja rahe hain. is riport ko padhane ke baad lagata hai ki keematon ko lekar sansad mein huee bahas antim nahin hai. modee sarakaar ka tark rahata hai ki bhaarat aur phraans ke beech jo karaar hua hai usakee gopaneeyata kee sharton ke kaaran keemat nahin bata sakatee. lekin us samajhaute mein kaha gaya hai ki gopaneeyata kee paribhaasha raksha se sambandhit cheejon tak hee seemit hain. yaanee keemat bataee ja sakatee hai. mooly klaasiphaid soochana nahin hai. vivaad se pahale jab sauda hua tha tab sena aur sivil adhikaariyon ne meediya ko breeph kiya tha aur bakaayada keemat bataee thee.

en raam bataate hain ki jab 2007 mein daasson evishan ko lambee prakriya ke baad chuna gaya to yahee tay hua ki 18 vimaan badale gae menenj aur 108 hindustaan eyaronotiks limited taiyaar honge. us samay daasson ne ek vimaan ke lie 79.3 miliyan yooro (642 karod rupaye) maanga tha. 2011 mein isakee keemat 100.85 mileeyan yooro (817 karod rupaye) ho gaee. nishchit roop se 2016 mein 2011 kee keematon ke anusaar 9 pratishat kee chhoot modee sarakaar ne haasil kar lee thee lekin ve 126 vimaanon ke lie nahin, 36 vimaanon ke lie thee. ek vimaan kee keemat tay huee 91.75 miliyan yooro (743 karod rupaye)

daasson ne kaha ki bhaarat ke hisaab se vimaan ko susajjit karane ke lie 1.4 biliyan yooro (11345 karod rupaye) aur dene honge. bhaarat ne molabhaav karate hue ise 1.3 biliyan yooro (10536 karod rupaye) par laaya. bhaarateey vaayu sena kee maang thee ki rafaal vimaan ko 13 visheshataon se lais hona chaahie taaki bhaarat kee zarooraton ke anukool ho. isake lie 36 vimaanon ke lie 1.3 biliyan yooro (10536 karod rupaye) dene par sahamati huee. is ganana se prati vimaan kee keemat hotee hai 36.11 miliyan yooro (292 karod rupaye). 2007 mein isakee keemat 11.11 mileeyan yooro (90 karod rupaye) thee. vaayu sena ke jin visheshataon kee maang kee thee unamen yoopeee aur modee sarakaar ke samay mein koee badalaav nahin aaya tha.

da hindoo ne is jaanakaaree se sambandhit raksha mantraalay ke kaee dastaavez dekhe hain. raphaal vimaan muhaiya karaane ke lie saat sadasyon kee bhaarateey ne daalarieshan teem (int) ko rakha tha. isake teen sadasy mooly se lekar kaee cheejon ko lekar etaraaz karate hain. unake har savaal ko teem ke baakee chaar sadasy khazij kar dete hain. har baar 4-3 ke antar se hee phaisala hota hai. ye teen sadasy hain, sanyukt sachiv aur ekvizishan mainejar raajeev varma, phainenshiyal mainejar ajeet sule, edavaizar (kaast) em. pee. sinh. inaka kahana tha ki bhaarat kee zarooraton ke hisaab se taiyaar karane ke lie alag se 1.3 biliyan yooro (10536 karod rupaye) kee rakam bahut zyaada hai. teem ne ise khaarij karate hue likha hai ki bhaarat ke hisaab se 126 vimaanon ko taiyaar karane ke lie 1.4 biliyan yooro (11345 karod rupaye) die gae the, kaheen behatar hai 36 vimaanon ke lie 1.3 biliyan yooro (10536 karod rupaye) dena. kya shaanadaar mooly hai! pradhaanamantree ke netrtv mein raksha maamalon kee edee kee samiti ne teem ke phaisale par muhar laga dee.

int kee riport kee sameeksha kaanoon mantraalay, vitt mantraalay aur raksha maamalon kee nirnaayak samiti karatee hai. sarakaar ne supreem kort ko jo not diya hai aur jise yaachikaakartaon ko bhee diya gaya hai, usake anusaar sarakaar ke not mein raksha mantree manohan parrikar kee badhat vaalee raksha khareed parishad (dach) kee kisee bhoomika ka zikr nahin hai. yah kaise ho sakata hai jabaki raksha khareed prakriya ke tahat deeesee ko hee nirnay lene ke adhikaar hain. isalie hairaanee kee baat nahin ki 10 aprail 2015 ko pradhaanamantree modee ne jab peris mein apanee taraph se deel ka elaan kar diya to raksha mantree khud ko anajaan bata rahe the.

en raam ka mool savaal yah hai ki bhaarat sarakaar ke paas raphaal se keematon ko lekar upalabdhabaazee karane ke kaee hathiyaar the, unaka istamaal kyon nahin kiya gaya. 4 julaee 2014 ko yoorophaitar ke sheersh adhikaaree ne raksha mantree arun jetalee ko patr likha tha ki vah pahale se behatar kshamata se lais 126 yoorophaitar 20 pratishat kam keemat par de sakata hai. is patr mein yah bhee likha hai ki raksha mantree ne apane desh ke raajadoot se jo guzaron kee usake javaab mein yah peshakash kee thee ki unhen khushee ho rahee thee. yaanee raksha mantree ne khud pahal kee thee. jabaki int kametee ne yoorophaitar ke prastaav ko yah kah kar thukara diya ki yoorophaitar ne bin maange prastaav diya hai, is vakt tendar band ho chuka hai aur niyamon ke anukool is star par is par vichaar nahin kiya ja sakata hai. kametee ka yah phaisala sahee tha ya nahin, is par bahas ho sakatee hai lekin sarakaar ise lekar raphaal se mol bhaav to kar hee rahee thee.

yoorophaitar ne to yahaan tak ​​kaha ki vah bhaarat kee zarooraton ko dekhate hue jarmanee, inglaind, spen aur italee ke aardar ko rok kar pahale charanaee kar dega. kametee ke teen sadasyon ne yooro phaitar ke is prastaav ko darj bhee kiya hai ki 20 pratishat kam keemat par vimaan de raha hai. yoopeee ke samay jab tendar nikala tha tab vaayu sena ne yoorophaitar ka bhee pareekshan kiya tha. yah jahaaz bhee bejod paaya gaya tha lekin vah jald keematon ke kaaran vaapas laut gaya tha. raphaal kam keemat ka prastaav dekar deel ke andar ghusa aur jyaada keemat par phraink sel kee deel kar nikal gaya. isase kis kis ko laabh hua, kitana paisa mila, is baare mein abhee tak koee deyata saamane nahin aaee hai jaisa ki bophors ke samay hua tha.

jab yooro phaitar 20 pratishat kam keemat par usee kshamata ka jahaaz de raha tha tab 41.42 pratishat adhik keemat par raphaal se kyon khareeda gaya. yoorophaitar ne yah bhee kaha tha ki kampanee bhaarat mein yoorophaitar indastreeyal paark banaegee, prashikshan kaaryakram chalaegee aur aapoorti karegee. raphaal ke saath huee naee deel mein hindustaan eyaronotiks ko bhee baahar kar diya gaya jo pahale 108 jahaaz banaane the.

en raam ka kahana hai ki daasson kampanee ke saath vyaapaarik samajhauta nahin kiya jaata hai. do mulkon ke beech samajhauta hota hai lekin samprabhu yakeen nahin lee jaatee hai. phir do mulkon ke beech samajhaute ka kya matalab rah jaata hai? samprabhu sunishchit ka matalab hai ki phraans sarakaar har baat kee zimmedaaree soochee letee hai. yahee nahin tendar band hone kee baat kar yoorophaitar ke prastaav ko thukaraaya gaya lekin pradhaanamantree modee ne parishad mein jo elaan kiya vo to pooree tarah se naee deel thee. pahale kee prakriyaon se 126 vimaanon kee baat huee thee, ab 36 khareede ja rahe the. jaahir hai ki star par bhee keematon ko lekar molabhaav ho sakata tha.

en raam ne likha hai ki 2007 mein 126 vimaanon ko bhaarat ke hisaab se taiyaar karane ke lie alag se 1.4 biliyan yooro (11345 karod rupaye) dene the. 2016 mein 36 vimaanon ko taiyaar karane ke lie 1.3 biliyan yooro (10536 karod rupaye) die jaane ka phaisala hota hai. ganit mein aap phel bhee honge tab bhee is antar ko samajh sakate hain ki khel kahaan hua hai. is kaaran har vimaan kee keemat 25 miliyan yooro (202 karod rupaye) badh jaatee hai. phraans ne nishchit roop se saadhaaran vimaan kee keemat par 9 pratishat kee chhoot dee thee lekin sambandhit vimaan kee keem 25 miliyan yooro (202 karod rupaye) badha dee gaee. yahee nahin pahale ke pholo on klaasej ko hata diya gaya tha. isake tahat 126 vimaanon ke lie joshan tay hue the usee ke aadhaar aur mooly par 63 vimaan the aur aap ja sakate the. ye klaasiz vhel hatae gae? kyon 36 vimaanon ko 41.42 pratishat adhik daamon par khareeda gaya.