IND roosee jalaseema mein do jahaajon mein lagee aag, 14 logon kee maut

roosee jalaseema mein do jahaajon mein lagee aag, 14 logon kee maut

shuruaatee jaanakaaree ke mutaabik aag mein 14 logon kee maut ho gaee hai. bataaya ja raha ki ek jahaaj se doosare jahaaj mein eendhan bharate samay dhamaaka ho gaya, jisase aag phail gaee.

roosee jalaseema mein mangalavaar ko ek samandar mein ek bada haadasa ho gaya. kreemiya ko roos se alag karane vaale samudree ilaake karch mein do jahaajon mein aag lag gaee. shuruaatee jaanakaaree ke mutaabik aag mein 14 logon kee maut ho gaee hai. bataaya ja raha ki ek jahaaj se doosare jahaaj mein eendhan bharate samay dhamaaka ho gaya, jisase aag phail gaee.  

donon jahaajon mein tanjaaniya ka dhvaj laga tha. jahaaj mein chaalak dal ke bhaarateey, turkee aur leebiyaee sadasy savaar the. ab tak chhah log laapata hain. samaachaar ejensee peeteeaee ke mutaabik haadase mein maare gae aur laapata logon kee pahachaan ab tak nahin huee hai. mumbee mein nauvahan mahaanideshaalay ke aphasaron ke mutaabik is ghatana mein donon jahaajon par maujood 15 bhaarateey surakshit hain. bataaya ja raha ki kaee log jaan bachaane ke lie jalate hue jahaajon se samandar mein kood gae, jinhen baad mein bacha liya gaya.

roosee jalaseema ke paas donon jahaajon mein aag lagee thee. in jahaajon par tanjaaniyaee jhanda lahara raha tha. inamen se ek jahaaj likviphaid nechural gais (lng), jabaki doosara tainkar le ja raha tha. bataaya ja raha ki aag us vakt lagee jab inamen se ek jahaaj doosare jahaaj ko eendhan de raha tha.

kreemiya ke pramukh sargeee aksayonov ne mangalavaar ko patrakaaron se bataaya ki haadase mein kul 14 log maare gae hain. roosee samudree ejensee ke pravakta ne aashanka jataee ki eendhan dene ke dauraan hee ek jahaaj mein dhamaaka ho gaya, jisake baad aag doosare jahaaj tak pahunch gaee. unhonne bataaya ki takareeban 3 darjan logon ne koodakar apanee jaan bachaee hai. 12 logon ko abhee tak bachaaya ja chuka hai. 6 log abhee bhee laapata batae ja rahe hain.

roos kee samaachaar ejensee ‘taas’ ne samudree adhikaariyon ke havaale se bataaya ki haadase mein kaindee naamak jahaaj par kul 17 chaalak dal ke sadasy the. inamen 9 tarkee aur 8 bhaarateey naagarik the. doosare jahaaj jisaka naam maistro tha, usamen kul 15 sadasy the. isamen tarkee ke 7, bhaarat ke saat aur ek naagarik leebiya ka tha. 

idhar mumbee mein nauvahan mahaanideshaalay ke ek varishth adhikaaree ne bataaya ki jis jagah par ye haadasa hua hai, usake aasapaas maujood darjanon jahaaj bache hue logon kee talaash mein jute hue hain. unhonne kaha ki kuchh bhaarateey naagarikon ne apane parivaar vaalon ko surakshit hone kee baat kahee hai. aise mein maana ja raha ki adhikatar bhaarateey surakshit hain.